LAMUGIN ANG LANGGONISANG ITIM


Natikman mo na ba ang tamis ng pagkatalo
Na tila mundo mo'y kaparis ng impyerno?
Gumuhong pangarap na matagal mong inasam-asam
Kinahinatna'y sugat na di na yata mapaparam

Sa loob ng busong malamig at madilim
Himlayan ng problemang aking kinikimkim
Problema na wari'y isang mariposa
Na sa aking isipan ay nagkandalipana

Pagsapit ng Enero Ika-bente siete
Kaluluwa ko'y magkakanda leche-leche
Dalarihang ama'y ipagsisigawan
Resulta ng aking ginawang kagaguhan

Kaligayahan ko'y unti-unting sinasamsam
Ng gapok kong utak na ngatngatan ng langgam
Problema na talaga nga namang nagtagumpay
Ito ang mga oras na gusto ko nang mamatay.


Hindi ako nakapagaral ng mabuti sa finals.. tapos walang araw nung finals na hindi ako tardy kaya 30 minutes ko lang sinasagutan yung mga exams naming tigi-isa't kalahating oras. Feeling ko babagsak ako.. hindi lang feeling.. BABAGSAK TALAGA. Dito pumapasok ang mga ganitong tula. Hayy.. eto nanaman tong poem na to.. parati nalang.. kase namane.